1Jo 3 | Ndebele | STEP | Khangelani uthando olungaka asinika lona uYise ukuthi sithiwe singabantwana bakaNkulunkulu . Ngenxa yalokho umhlaba kawusazi, ngoba ungamazanga yena .

1 Khangelani uthando olungaka asinika lona uYise ^a ukuthi sithiwe ^b singabantwana bakaNkulunkulu ^c. Ngenxa yalokho umhlaba kawusazi, ngoba ungamazanga yena ^d. 2 Bathandekayo, khathesi ^e singabantwana bakaNkulunkulu ^f, njalo kakukabonakali esizakuba yikho ^g. Kodwa siyazi ^h ukuthi uba ebonakala ⁱ, sizakuba njengaye ^j, ngoba sizambona njengoba enjalo ^{k
,} ^l. 3 Laye wonke olalelithemba kuye ^m uyazihlambulula ⁿ, njengoba yena ehlambulukile ^o.

4 Wonke owenza isono weqa lomlayo; ngoba isono siyikweqa umlayo ^p. 5 Njalo liyazi ukuthi yena wabonakaliswa ^{q
,} ^r, ukuze asuse izono zethu ^{s
,} ^t; lesono kasikho kuye ^u. 6 Wonke ohlala kuye koni; wonke owonayo kambonanga ^v, futhi kamazanga ^w.

7 Bantwanyana, kungabi khona olikhohlisayo ^x; owenza ukulunga ulungile ^y, njengoba yena elungile ^z; 8 owenza isono uvela kudiyabhola ^aa, ngoba udiyabhola wona kusukela ekuqaleni ^ab. Ngalokhu iNdodana kaNkulunkulu yabonakaliswa, ukuze ^ac ichithe imisebenzi kadiyabhola ^ad. 9 Wonke ozelwe nguNkulunkulu kenzi isono ^ae, ngoba inhlanyelo yakhe ihlala kuye ^af; futhi angone, ngoba ezelwe nguNkulunkulu ^ag. 10 Ngalokhu kuyabonakala abantwana bakaNkulunkulu ^ah labantwana bakadiyabhola ^ai; wonke ongenzi okulungileyo kaveli kuNkulunkulu ^aj, laye ongamthandiyo umzalwane wakhe ^ak.

11 Ngoba yilo umbiko ^{al
,} ^{▼▼ umbiko: kumbe, umlayo.} elawuzwa kusukela ekuqaleni ^an, ukuthi asithandane ^ao; 12 kungenjengoKhayini ^ap owavela komubi ^aq, wasebulala umfowabo. Njalo kungani wambulala? Ngoba imisebenzi yakhe yayimibi, kodwa eyomfowabo yayilungile ^ar.

Uthando lwabazalwane

13 Lingamangali bazalwane bami, uba umhlaba ulizonda ^as. 14 Thina siyazi ^at ukuthi sesidlule ekufeni saya empilweni ^au, ngoba siyabathanda abazalwane. Ongamthandiyo umzalwane uhlezi ekufeni. 15 Wonke ozonda umzalwane ^av wakhe ungumbulali ^aw; liyazi ukuthi kakho umbulali lakanye olempilo elaphakade ehlezi kuye ^ax. 16 Ngalokhu siyalwazi uthando lukaNkulunkulu ^{ay
,} ^az, ngoba yena wasibekela phansi impilo yakhe ^ba; lathi sifanele ukubabekela phansi impilo abazalwane ^bb. 17 Kodwa loba ngubani ^bc olempahla yomhlaba ^bd, njalo ebona umzalwane wakhe eswele, abesemvalela ^be imibilini yakhe ^bf, uthando lukaNkulunkulu luhlala njani kuye? ^bg 18 Bantwanyana bami, kasingathandi ngelizwi kumbe ngolimi ^bh, kodwa ngezenzo langeqiniso ^bi.

19 Futhi ngalokho siyazi ukuthi singabeqiniso ^bj, njalo sizaqinisa ^{▼▼ sizaqinisa: Gr., sizavumisa.} inhliziyo zethu phambi kwakhe ^bl, 20 ngoba uba inhliziyo yethu isilahla, ^bm uNkulunkulu mkhulu kulenhliziyo yethu, futhi uyazi zonke izinto. 21 Bathandekayo, uba inhliziyo zethu zingasilahli ^bn, silesibindi ^bo kuNkulunkulu ^bp, 22 njalo loba yini esiyicelayo, siyayemukela ivela kuye ^bq, ngoba sigcina imilayo yakhe ^br, njalo senza izinto ezithandekayo phambi kwakhe ^bs.

23 Njalo yilo umlayo wakhe, ukuthi sikholwe ebizweni leNdodana yakhe uJesu Kristu ^bt, njalo sithandane ^bu, njengoba wasipha umlayo ^bv. 24 Logcina imilayo yakhe ^bw, uhlala kuye ^bx, laye kuye ^{by
,} ^bz. Ngalokhu-ke siyazi ukuthi uhlala kithi, ngoMoya asiphe wona ^ca.